كنت اقرا في مقال للاهرام عن نجاح اللمبات الموفرة في توفير 70% من الكهرباء طبعا دا كلام الاهرام عندنا في البيت بنستخدمها لان هي الموجودة حاليا و ما حصلش حاجة و عند كل الناس حوالينا نفس الموضوع الاستهلاك الشهري متفاوت شوية. فمشعارف جابوها منين و ايه الدراسة العلمية اللي استندوا عليها. في بحثكم اتكلمتم عن توفير استهلاك الطاقة و ان نظام النقل سيء فباضطر اركب عربيتي. وجهة النظر غايبها كثير و يمكن دا ارى فيه توجيه لسياسات الحكومة في رفع الدعم اللي خلاص هاينتهي الشهر القادم مثلا عندك المترو اللي الدولة قالت بيخسر و هو ما شاء الله منجم فلوس و الفلوس اللي بتدخل منه 3.6 مليون مواطن يوميا بتذكرة جنية و تكلفةالخط الرابع كانت 15 مليار جنية كانت تعمل نظم نقل افضل. لو انا موظف و هاركب سيارات نقل جماعي و مع زيادة اسعارالمحروقات بتزيد علي الاجرة و انا كواخحد عنده عربية تكلفة تشغيل السيارة بالنسبة لي تزيد شيء بسيط عن تكلفة ركوبي المواصلات و انا مش موظف كبير انا موظف في الصحة و مرتبي وضيع جدا. حضراتكم وقعتم في مغالطة في بحثكم انكم بتفترضوا انكم بترشدوا استهلاك الطاقة بس الحقيقة في طاقة هاتتبذل في المقابل انا مش علشان اوفر للحكومة اللي انا ما باستفيدش منها و رمياني في اخر البلاد اقوم ما اركبش العربية و اروح ماشي. لا انا ما ارحش الشغل اوفر؟ و دي طاقة مقابلة سلبية. نرجع للسؤال الاهم هو احنا بنستهلك طاقة زيادة عن باقي البشر؟ لا. و الحكومة رفعت الدعم و انا باستخدم و بادفع يبقى ليه متصورين ان دي مشكلة؟ ممكن تقوولي انا باشتري بعملة صعبة و دا خطر على اقتصاد البلد. دا غباء من الحاكم و الحكومة علشان ما بتقدرش العلم و العلماء و لازم تدفع ضريبة هذا التخلف. هل في افكار ؟ اكيد في افكار و في حلول. بس اللي حاصل على الصفحة دا اراه تهيئة اعلامية مش بحث علمي. طيب هانطلع بنتيجة ازاي ؟ حضرتك تعل لنا بحث تاني و تطلع لنا ارقام من وزارة الطاقة و بيتصرف كذا و نقعد ندرس الارقام بتاعتهم و الفلوس اللي بتتدفع و نرشد النفقات عند المديرين و نوزع الارباح بشيء من العدالة على الموظفين و ما نديش نص الارباح للمديرين و ما نزورش الارقام و نقول في مكسب علشان الموظفين ياخدوا فلوس و البشوات يلهفوا نصها طب دا احننا كده هانتكلم في كل ححاجة. هو احنا مش عايزين نغير و دا العلم. اكيد في تفاصيل و حاجات ما اتقالتش و في افكار بس الهدف اننا نتكلم علم.